Ապրիլի 11–ից մինչև ապրիլի 12–ը հայտարարվել է զինադադար Ռուսաստանի և Ուկրաինայի միջև

Ապրիլի 9-ի երեկոյան Ռուսաստանի նախագահ Վլադիմիր Պուտինը հայտարարել է Զատկի կապակցությամբ հրադադարի մասին, այս մասին հայտնում են ռուսական ԶԼՄ–ները։

Ինչպես նշվում է Կրեմլի հաղորդագրությունում,  Ռուսաստանի պաշտպանության նախարար Անդրեյ Բելոուսովին տրվել են հրահանգներ, ապրիլի 11-ի ժամը 16:00-ից մինչև ապրիլի 12-ի օրվա ավարտը  դադարեցնել բոլոր մարտական գործողությունները բոլոր ուղղություններով։

Ավելի վաղ էլ Ուկրաինայի նախագահ Վոլոդիմիր Զելենսկին առաջարկել էր Զատկի առթիվ հայտարարել զինադադար։ Ապրիլի 9-ի երեկոյան նա նշել է, որ Ուկրաինան բազմիցս հայտարարել է համաչափ քայլերի պատրաստակամության մասին։ 

«Մենք այս տարի առաջարկել ենք Զատկական տոների ընթացքում դադարեցնել կրակը և կգործենք համապատասխան։ Մարդկանց պետք է Զատիկ առանց սպառնալիքների և իրական շարժ դեպի խաղաղություն, և Ռուսաստանը հնարավորություն ունի չվերադառնալ հարվածներին նաև Զատկից հետո», — ընդգծել է նա։