ԱՄՆ նախագահը հայտարարել է Իրանի դեմ նախատեսված հարվածների չեղարկման մասին

ԱՄՆ նախագահը հայտարարել է, որ Իրանի հետ անցկացված բանակցությունները հասցվել են Իրանի բարձրագույն ղեկավարության մակարդակին և ստացել անհրաժեշտ հավանություն, ինչի արդյունքում չեղարկվել են նույն երեկոյի համար նախատեսված ռազմական հարվածներն ու ռմբակոծությունները Իրանի դեմ, այս մասին նա հայտնել է իր truthsocial-ի էջում։

Նրա խոսքով՝ քննարկումների շրջանակում ձեռք բերված պայմանավորվածություններն ու վերջնական դրույթները համաձայնեցվել են բոլոր ներգրավված կողմերի կողմից։ Գործընթացին մասնակցել են ԱՄՆ-ը, Իսրայելը, Սաուդյան Արաբիան, ԱՄԷ-ն, Կատարը, Թուրքիան, Պակիստանը, Բահրեյնը, Քուվեյթը, Հորդանանը, Եգիպտոսը և մի շարք այլ երկրներ։

Միաժամանակ նշվում է, որ Իրանի նկատմամբ կիրառվող ծովային շրջափակումը կմնա ուժի մեջ մինչև համաձայնության վերջնական իրականացումը։ Ստորագրման վայրն ու ժամկետները, նախագահի հայտարարության համաձայն, կհրապարակվեն առաջիկայում։