ԱՄԷ–Հայաստան ընկերական հանդիպումը չեղարկվել է․ ՀՖՖ

Հայաստանի ֆուտբոլի ֆեդերացիան հայտարարություն է տարածել, համաձայն որի՝ մարտի 26-ին նախատեսված ԱՄԷ–Հայաստան ընկերական հանդիպումը չեղարկվել է։ Որոշումը պայմանավորված է Մերձավոր Արևելքում տիրող լարված և անկայուն իրավիճակով։

Միաժամանակ ֆեդերացիան հայտնում է, որ Հայաստան–Բելառուս ընկերական հանդիպումը կկայանա նախատեսվածի համաձայն։ Խաղը տեղի կունենա մարտի 29-ին՝ ժամը 18:00-ին, Երևանի Վազգեն Սարգսյանի անվան «Հանրապետական» մարզադաշտում։

Նշվում է նաև, որ Հայաստան–Բելառուս հանդիպման տոմսերի վաճառքը, ինչպես նաև զանգվածային լրատվության միջոցների հավատարմագրումը կմեկնարկեն մարտի 19-ին՝ ժամը 11:00-ին։

Բացի այդ, մարտի 19-ին՝ ժամը 12:00-ին, Հայաստանի ազգային հավաքականի պաշտոնական էջերում կհրապարակվի հավաքական հրավիրված ֆուտբոլիստների ցանկը։