Ամբակում Գրիգորյանը նշանակվել է ՀՀ քննչական կոմիտեի նախագահի խորհրդական

Ամբակում Գրիգորյանը տարիներ շարունակ աշխատել է Հատուկ քննչական ծառայությունում՝ որպես հատկապես կարևոր գործերով քննիչ։ Նա գործել է այն նույն քննչական ուղղահայացում, որի առանցքային ղեկավարներից էր Վահագն Հարությունյանը՝ «Մարտի 1»-ի գործի գլխավոր պատասխանատուներից մեկը, ում հետագայում մեղադրանք առաջադրվեց Մարտի1-ի գործով ապացույցներ կեղծելու և պաշտոնեական լիազորությունները չարաշահելու համար։

Հատկանշական է, որ դեռ ամիսներ առաջ հենց իշխանական պատգամավոր Անդրանիկ Քոչարյանն էր հրապարակային հարց բարձրացնում, թե ինչպես կարող է «Մարտի 1»-ի գործով աշխատած և Վահագն Հարությունյանի համակարգում գործունեություն ծավալած անձը նշանակվել բարձր պետական պաշտոնի։

Այսօր այդ հարցը կրկին ամբողջ ուժով վերադառնում է։ Եթե «Մարտի 1»-ը մինչև այսօր ներկայացվում է որպես Հայաստանի նորագույն պատմության ամենածանր պետական հանցագործություններից մեկը, ապա հասարակությունն իրավունք ունի հասկանալու՝ ինչպե՞ս են այդ գործի քննչական ուղղահայացում ներգրավված մարդիկ ոչ թե հեռացվում համակարգից, այլ վերադառնում և բարձր պաշտոններ ստանում։

Սա պետության հիշողության, քաղաքական պատասխանատվության և արդարության նկատմամբ վերաբերմունքի հարց էն»,- գրել է Արման Բաբաջանյանը: ։