Ալիև․ «Որևէ կարիք չկա Հայաստանը մեզնից պաշտպանելու»
Ադրբեջանի նախագահ Իլհամ Ալիևը հայտարարել է, թե Հայաստանը Ադրբեջանից պաշտպանելու կարիք չկա՝ անդրադառնալով ԵՄ դիտորդների գործունեությանը հայ-ադրբեջանական սահմանին։ Նրա խոսքով՝ Բաքուն արդեն հասել է իր առջև դրված նպատակներին։
Ադրբեջանի նախագահ Իլհամ Ալիևը հայտարարել է, որ Բաքուն նպատակ չունի կործանել Հայաստանը կամ զրկել այն անկախությունից։ Այդ մասին, պետական Azertac գործակալության փոխանցմամբ, նա ասել է Ղարաբաղ այցի ընթացքում։
«Եվրոպայի այսպես կոչված դիտորդները ենթադրաբար շարունակում են մշտադիտարկում իրականացնել Ադրբեջան-Հայաստան սահմանին։ Ես այն ժամանակ էլ եմ ասել․ եթե մենք մի կրակոց արձակեինք, նրանք անմիջապես կփախչեին, և այնտեղ անգամ իրենց հետքը չէր մնա», - նշել է Ադրբեջանի նախագահը։
Ալիևը նաև անդրադարձել է եվրոպացի դիտորդների գործունեությանը՝ հայտարարելով, որ նրանք ներկայացնում են, թե Հայաստանը պաշտպանում են Ադրբեջանից։
«Որևէ կարիք չկա Հայաստանը մեզնից պաշտպանելու, - հայտարարել է Իլհամ Ալիևը՝ հավելելով, - Մենք հասել ենք նրան, ինչի նպատակը դրել էինք մեր առաջ»։
Կարդացեք նաև
Տարածաշրջան29 մայիսի 2026
ԱՄՆ-ն և Իրանը համաձայնության են եկել 60-օրյա հուշագրի շուրջ, սակայն անհրաժեշտ է Թրամփի հաստատումը
ԱՄՆ-ի և Իրանի բանակցողները համաձայնության են եկել 60-օրյա փոխըմբռնման հուշագրի շուրջ, որը նախատեսում է հրադադարի երկարաձգում և միջուկային ծրագրի շուրջ բանակցությունների մեկնարկ, սակայն փաստաթուղթը դեռ չի հաստատվել ԱՄՆ նախագահի և Իրանի կողմից։
Տարածաշրջան29 մայիսի 2026
Ռուսական ԱԹՍ–ն ընկել է Ռումինիայում բազմահարկ շենքի վրա՝ կան տուժածներ
Ռումինիայի Գալաթ քաղաքում ռուսական ԱԹՍ–ն բախվել է բազմահարկ շենքի տանիքին՝ առաջացնելով հրդեհ։ Երկու մարդ տուժել է, տասնյակ բնակիչներ տարհանվել են։
Տարածաշրջան27 մայիսի 2026
Թուրքիայում 31 անօրինական միգրանտ է ձերբակալվել, որոնց թվում եղել են Ադրբեջանի և Աֆղանստանի քաղաքացիություն ունեցող անձիք։
Թուրքիայի Չանաքքալեի Այվաջըք շրջանում առափնյա պահպանության ուժերը հայտնաբերել և ձերբակալել են 31 անօրինական միգրանտ, այդ թվում՝ երեխաներ, որոնք տեղափոխվել են համապատասխան կենտրոն։