Ահարոն Սահակյանը կազատվի Կոտայքի մարզպետի պաշտոնից

Հայաստանի Հանրապետության կառավարությունը որոշման նախագիծ է հրապարակել, որով նախատեսվում է Ահարոն Սահակյանին 2026 թվականի հուլիսի 31-ից ազատել Հայաստանի Հանրապետության Կոտայքի մարզպետի պաշտոնից։

Որոշման նախագծի համաձայն՝ պաշտոնից ազատումը կատարվում է Հայաստանի Հանրապետության Սահմանադրության 160-րդ հոդվածի 2-րդ մասի, ինչպես նաև «Տարածքային կառավարման մասին» օրենքի 6-րդ հոդվածի 1-ին մասի և 5-րդ մասի 1-ին կետի հիման վրա։

Նախագծով սահմանվում է, որ Ահարոն Սահակյանը կդադարեցնի Կոտայքի մարզպետի լիազորությունները 2026 թվականի հուլիսի 31-ից։

Մինչ մարզպետ նշանակվելը Սահակյանը զբաղեցրել է Գառնի համայնքի ղեկավարի պաշտոնը՝ 2016-2021 թվականներին։ Աշխատանքային կարիերայի սկզբում էլ նա յոթ տարի՝ 2001-2008 թվականներին աշխատել է Ազգային անվտանգության ծառայությունում որպես օպեր-լիազոր։

Ահարոն Սահակյանը պատգամավոր է ընտրվել «Քաղաքացիական պայմանագրի» ցուցակով։ Նա վերցնում է մանդատը ու տեղափոխվում օրենսդիր մարմին։

Թե ով կփոխարինի նրան՝ դեռևս հայտնի չէ։