ԱԳՆ-ն ցանկանում է վերանայել արտերկրում ծառայող դիվանագետների աշխատավարձերը

 Գերատեսչության ղեկավար Արարատ Միրզոյանն  Ազգային ժողովում ներկայացրել է«Դիվանագիտական ծառայության մասին» ՀՀ օրենքում փոփոխություններ կատարելու մասին նախագիծը, որով նախատեսվում է լավարկել դիվանագետների վարձատրությունը։

 

Միրզոյանի տեղեկացմամբ  ԱԳՆ–ի` Երևանում աշխատող դիվանագետների աշխատավարձը կարգավորվում է օրենքով, իսկ օտարերկրյա պետությունում աշխատողների դեպքում գործում է կառավարության որոշումը: Արդյունքում ստացվում է աշխատավրձերի մեջ մեծ տարբերություն: Այսպես, օրինակ՝ Երևանում աշխատող առաջին քարտուղարը ստանում է 267–366 հազար դրամ, իսկ արտերկրում աշխատողը` մոտ 157–178 հազար։