Ադրբեջանում զինամթերքի պահեստում տեղի է ունեցել պայթյուն և հրդեհ

Երեկ երեկոյան  Ադրբեջանի Գերանբոյի շրջանի Նիզամի գյուղի մոտակայքում գտնվող զինամթերքի պահեստում տեղի է ունեցել պայթյուն և հրդեհ։

Ըստ ադրբեջանական լրատվամիջոցների, այս մասին ասվում է Արտակարգ իրավիճակների նախարարության, Պաշտպանության նախարարության և Ներքին գործերի նախարարության համատեղ հայտարարության մեջ։

Դեպքի հետ կապված անվտանգության միջոցառումների շրջանակներում մոտակա բնակիչները տարհանվել են։

Արտակարգ իրավիճակների նախարարությունից ադրբեջանական  APA-ին հայտնել են, որ ներկայումս անհրաժեշտ միջոցառումներ են ձեռնարկվում՝ համագործակցելով համապատասխան պետական ​​մարմինների հետ՝ հրդեհի տարածումը կանխելու և այն մարելու համար։

Միջադեպի հետևանքով տուժածներ չեն եղել։