Ադրբեջանում ուժեղ տեղումների հետևանքով առաջացած  ջրհեղեղի պատճառով տուժել են մի շարք բնակավայրեր

 Ադրբեջանի Զաքաթալա, Բալաքան և Աղստաֆա շրջանների մի քանի բնակավայրերի տներ, և այլ տարածքներ տուժել են  ուժեղ տեղումների հետևանքով առաջացած  ջրհեղեղի պատճառով։  Ստեղծված իրավիրակը կաթվածահար է արել բնակիչների բնականոն կյանքը։ Բալաքանում սելավները տարել են 43-ամյա տղամարդու։

Հորդառատ անձրևները սկսվել են հուլիսի 7-ի երեկոյան և զգալիորեն ուժգնացել են մինչև հուլիսի 8-ի գիշերը։ Իրավիճակը դուրս է եկել վերահսկողությունից։  Այն   մեղմելու նպատակով գործին են միացել Հյուսիսարևմտյան տարածաշրջանային կենտրոնի, Քաղաքացիական պաշտպանության զորքերի և Արտակարգ իրավիճակների նախարարության պետական ​​հրշեջ ծառայության համապատասխան ուժերը։Ստեղծված իրավիճակը հանգեցրել է  էլեկտրաէներգիայի անջատումների և տրանսպորտային խափանումների, կաթվածահար է արել գնացքների երթևեկությունը,իսկ որոշ  կայարանների տոմսերի վաճառքը ժամանակավորապես դադարեցված է այսօրվանից մինչև հուլիսի 20-ը։

Ներկայում ԱԻՆ-ը շարունակում է ջրածածկ տարածքներից ջրի մղման և ջրահեռացման, ինչպես նաև անվտանգության այլ անհրաժեշտ միջոցառումների աշխատանքները։

Փոթորիկը նաև վնաս է հասցրել գյուղատնտեսական հողերին, այդ թվում՝ հացահատիկի, եգիպտացորենի, սեխի և բանջարանոցային մշակաբույսերին, ինչպես նաև ընկուզենիների այգիներին։

Այսօրվա դրությամբ Բալաքանի և Զաքաթալայի շրջաններում շարունակվում են առատ անձրևները։