Ադրբեջանն առաջին անգամ ապրանքներ է ներմուծել Հայաստանից

Ադրբեջանը 2026 թվականի մարտին առաջին անգամ Հայաստանից ներմուծել է ապրանքներ՝ 960 ԱՄՆ դոլար արժողությամբ։ Այս մասին հայտնում են ադրբեջանական ԶԼՄ-ները՝ հղում անելով երկրի Պետական մաքսային կոմիտեին։

Միևնույն ժամանակ, ընթացիկ տարվա առաջին եռամսյակում Ադրբեջանը Հայաստան է արտահանել արտադրանք՝ 5 միլիոն 757 հազար ԱՄՆ դոլարի չափով։ Այդ գումարից 1 միլիոն 537 հազար դոլարը բաժին է ընկնում մարտ ամսին։

Նշվում է, որ Հայաստան արտահանման եկամուտները կազմում են Ադրբեջանի ընդհանուր արտահանման ընդամենը 0,1%-ը։