Ադրբեջանի տարածքով նավթի և գազի մատակարարումներն ամրապնդում են Հայաստանի էներգետիկ անվտանգությունը. Ալիև

Ադրբեջանի տարածքով դեպի Հայաստան իրականացվող նավթի և գազի մատակարարումները զգալի նպաստ են բերում այդ երկրի էներգետիկ անվտանգության ապահովմանը։ Այս մասին Բեռլինում Գերմանիայի դաշնային կանցլեր Ֆրիդրիխ Մերցի հետ համատեղ մամուլի ասուլիսի ժամանակ հայտարարել է Ադրբեջանի նախագահ Իլհամ Ալիևը։

Ադրբեջանական ԶԼՄ–ների հաղորդմամբ՝ Ալիևը նշել է, որ զգալիորեն աճել են նաև Ադրբեջանից Հայաստան տարանցիկ բեռնափոխադրումների ծավալները։ «Մենք ապրում ենք պատմական ժամանակաշրջանում։ Հենց Ադրբեջանն է հանդես եկել խաղաղության առաջարկով և ստացել դրական պատասխան։ Մենք բարձր ենք գնահատում Գերմանիայի կառավարության դերը այս գործընթացում»,-ասել է Ալիևը։