Ադրբեջանի տարածքով Հայաստան է տեղափոխվել բեռների հերթական խմբաքանակ

Բեռների խմբաքանակում ներառվել է հացահատիկ և պարարտանյութ:

Ադրբեջանական լրատվամիջոցները հայտնում են, որ Ռուսաստանի Դաշնությունից Ադրբեջանի տարածքով Հայաստան է տեղափոխվել բեռների հերթական խմբաքանակ։

Նշվում է, որ Ադրբեջանի Բիլաջարի կայարանից Բոյուք-Քեսիկի ուղղությամբ մեկնել է հացահատիկի չորս վագոն՝ ընդհանուր առմամբ 279 տոննա, և պարարտանյութի երեք վագոն՝ ընդհանուր առմամբ 203 տոննա ծավալով։

Տարանցիկ փոխադրումից բացի, Ադրբեջանից Հայաստան է արտահանվում նաև նավթամթերք։