Աբովյանում ընտրակաշառքի գործով ձերբակալվել են մի շարք անձինք

ՀՀ հակակոռուպցիոն կոմիտեն, ՆԳՆ քրեական ոստիկանության Կոտայքի մարզային վարչության ծառայողների հետ համատեղ իրականացված միջոցառումների արդյունքում, բացահայտել են  ընտրակաշառքի դեպք, հայտնում է ՀՀ հակակոռուպցիոն կոմիտեն։

Ըստ նախնական տվյալների՝ «Բարգավաճ Հայաստան» կուսակցության Աբովյան համայնքի տարածքային գրասենյակի պատասխանատուն, կուսակցության մի շարք անդամների և նրանց հետ համագործակցող անձանց հետ նախնական համաձայնությամբ, ընտրողների խոստացել և տրամադրել է ընտրակաշառք։

Դեպքի առթիվ հարուցվել է քրեական վարույթ, որի շրջանակում ձերբակալվել են մի քանի անձինք։ Կատարվել են նաև խուզարկություններ և այլ վարութային գործողություններ։