Հայաստան
12 օգոստոսի 2026 • 14:48
2027 թվականից առողջության համընդհանուր ապահովագրության համակարգում կներառվեն մինչև 200 հազար դրամ աշխատավարձ ստացող քաղաքացիները
Ըստ սահմանված ժամանակացույցի՝ 2029 թվականի հունվարի 1-ի դրությամբ բնակչության բոլոր շերտերը պետք է ամբողջությամբ ընդգրկված լինեն առողջության ապահովագրության համակարգում։
Վարչապետ Նիկոլ Փաշինյանի գլխավորությամբ տեղի ունեցած խորհրդակցության ընթացքում քննարկվել են առողջության համընդհանուր ապահովագրության ներդրման ռազմավարությամբ 2027 թվականին իրականացվելիք քայլերը։
Հանդիպման առանցքում եղել է մինչև 200 հազար դրամ ամսական աշխատավարձ ստացող վարձու աշխատողներին համակարգում ներառելու հնարավորությունը, ինչպես նաև ապահովագրավճարի ձևավորման գործընթացում գործատուների և պետական սուբսիդավորման մեխանիզմների ներգրավումը։
2027-2028 թթ. նախատեսվող ֆինանսական մոդելները․
-
2027 թվականի հունվարի 1-ից․ Մինչև 200 հազար դրամ աշխատավարձ ստացողների համար անհրաժեշտ 10,800 դրամ ամսական ծախսից 4,400 դրամը նախատեսվում է սուբսիդավորել պետական բյուջեից, 2,000 դրամը կվճարի աշխատողը (նախկինում «Զինապահ» հիմնադրամին ուղղվող գումարի հաշվին), իսկ պակասող 4,400 դրամը՝ գործատուն։
-
2028 թվականի հունվարի 1-ից․ Առաջարկվող տարբերակով 10,800 դրամից 6,000 դրամը կվճարի աշխատողը, որը համընդհանուր հայտարարագրման շրջանակում հետ է ստանալու որպես սոցիալական կրեդիտ, իսկ 4,800 դրամը կշարունակի վճարել գործատուն։
Վարչապետն ընդգծել է, որ ցածր աշխատավարձերի սեգմենտում առկա են ստվերային ռիսկեր, և Կառավարության նպատակն է լուծել սոցիալական խնդիրը՝ առանց ստվերը խրախուսելու։ Փաշինյանը նաև կոչ է արել գործատուներին վերանայել աշխատավարձերը և դրանք բարձրացնել 200,000 դրամի շեմից։
Ըստ սահմանված ժամանակացույցի՝ 2029 թվականի հունվարի 1-ի դրությամբ բնակչության բոլոր շերտերը պետք է ամբողջությամբ ընդգրկված լինեն առողջության ապահովագրության համակարգում։
Կարդացեք նաև
Հայաստան16 սեպտեմբերի 2026
ԹՐԻՓՓ-ի համաձայնագիրը համապատասխանում է Հայաստանի Մայր օրենքին
ՍԴ որոշումից հետո արդեն համաձայնագիրը սահմանված կարգով կուղարկվի Ազգային ժողով՝ վերջնական վավերացման:
Հայաստան16 սեպտեմբերի 2026
Ներքին Դվին գյուղի «Սուրբ Հարություն» եկեղեցուց գnղացել են գանձանակը
Դեպքի փաստով ոստիկանության Արտաշատի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Արարատի մարզային քննչական վարչություն։
Հայաստան15 սեպտեմբերի 2026
Օգոստոսին Հայաստան է այցելել 227,026 զբոսաշրջիկ
2026 թ․ հունվար - օգոստոսին դեպի Հայաստան առավել շատ զբոսաշրջային այցելություններ գրանցվել են Ռուսաստանից (40%), Վրաստանից (14%) և Իրանից (8%)։