2025-ին ավարտված քրեական վարույթների թիվն աճել է, կալանքի միջնորդությունների թիվը՝ նվազել. ՔԿ նախագահի հաղորդումը

Քննիչների արտադրողականությունը կազմել է 76.6%՝ նախորդ տարվա 74.1 %-ի համեմատությամբ, այսինքն՝ աճել է 2.5 %-ով:

ՀՀ քննչական կոմիտեի նախագահ Արթուր Պողոսյանն այսօր՝ մայիսի 7-ին «Հայաստանի Հանրապետության քննչական կոմիտեի մասին» ՀՀ օրենքի 8-րդ հոդվածի համաձայն, Ազգային ժողովին է ներկայացրել Քննչական կոմիտեի 2025 թվականի գործունեության մասին հաղորդումը:

Անդրադառնալով ավարտված քրեական վարույթների աճին՝ նա նշել է, որ հաշվետու ժամանակահատվածում քննվող քրեական վարույթներն աճել են 5.590-ով կամ 6.5%-ով (2025 թվականին քննվել է 90.931 քրեական վարույթ՝ նախորդ տարվա 85.341-ի համեմատ), ընթացքը լուծված քրեական վարույթները՝ 6.483-ով կամ 10.2%-ով (90.931 վարույթից լուծվել է 69.694-ի ընթացքը՝ նախորդ տարվա 63.211-ի համեմատ), իսկ դատավարական ավարտով քրեական վարույթները՝ 2.825-ով կամ 23.8%-ով (ավարտված 41.761 քրեական վարույթից 14.650-ը՝ 15.533 անձի վերաբերյալ մեղադրական եզրակացությամբ, ուղարկվել է դատարան՝ նախորդ տարվա 11.825 քրեական վարույթի համեմատ՝ 12.805 անձի վերաբերյալ):

Քննիչների արտադրողականությունը կազմել է 76.6%՝ նախորդ տարվա 74.1 %-ի համեմատությամբ, այսինքն՝ աճել է 2.5 %-ով:

ՔԿ ախագահը նշել է՝ քրեական վարույթների աճին զուգահեռ աճել է նաև մեկ քննիչի միջին ծանրաբեռնվածությունը՝ կազմելով 142 քրեական վարույթ (2024-ին՝ 132):