Wildberries-ի ղեկավարությունը հայտարարել է վաճառողներին տրամադրվող փոխհատուցումների մշակման մասին

Ռուսական ՌԲԿ-ն հաղորդում է , որ Wildberries-ը մշակում է վճարումներ և ֆինանսական աջակցություն վաճառողների համար՝ Էլեկտրոստալում և Կոտովսկում ընկերության պահեստների վրա անօդաչու թռչող սարքերի հարձակումներից հետո: Այս մասին իր Telegram ալիքում հայտարարել է Wildberries-ի գործադիր տնօրեն Տատյանա Կիմը:

«Չնայած արտակարգ իրավիճակին և կորցրած ապրանքների համար փոխհատուցման պարտավորության բացակայությանը, մենք արդեն քննարկում ենք վաճառողներին վճարումներ կատարելու և այլ ֆինանսական աջակցության ցուցաբերելու հարցը, - գրել է նա:

Վաճառողների համար նախատեսվող փոխհատուցումների, աջակցության միջոցների և դրանց ստացման կարգի վերաբերյալ մանրամասն տեղեկատվությունը կհրապարակվի վաճառողների պորտալում։

Բացի այդ, Տատյանա Կիմը հայտնել է, որ Wildberries-ը ֆինանսական աջակցություն կտրամադրի նաև լոգիստիկական կենտրոնների վրա հարձակումների հետևանքով զոհվածների ընտանիքներին և տուժածներին։ Զոհվածների ընտանիքները կստանան 2 միլիոն ռուբլի, իսկ ծանր վիճակում գտնվող տուժածները՝ 1 միլիոն ռուբլի։