Երևանում կայացել է Հայաստան-Կիպրոս բիզնես համաժողովը

Երևանում կայացել է Հայաստան-Կիպրոս բիզնես համաժողովը, որի նպատակն է երկու երկրների գործարար համայնքների միջև համագործակցության խորացումը: Այս մասին տեղեկանում ենք «Արմենպրես»-ից:

Հմաժողովի մասնակիցներն հատկապես կարևորել են հայ-կիպրական տնտեսական հարաբերությունների ամրապնդումը, եվրոպական շուկաների հետ ինտեգրման գործընթացը և գործարարների միջև անմիջական կապերի ստեղծումը։

Համաժողովի առիթով Հայաստան են ժամանել լ 9 գործարարներ, որոնք ներկայացնում են տարբեր ոլորտներում գործունեություն ծավալող ընկերություններ։

«Կիպրոսը լայն հնարավորություններ ունի ծառայությունների ոլորտում, մինչդեռ Հայաստանը կարող է կիպրական շուկային առաջարկել հատկապես տեղեկատվական տեխնոլոգիաների ոլորտի իր ներուժը»,- այս մասին խոսել է Միջազգային կապերի աջակցման խորհրդի նախագահ Մարիամ Մանուկյանը: Նա նաև նշել է, որ  համաժողովը հնարավորություն է տալիս հայկական բիզնեսներին գրանցվել կիպրական շուկայում, ինչը կարող է նպաստել արտահանման դիվերսիֆիկացմանն ու տնտեսական զարգացմանը։

Անահիտ Սիմոնյանի խոսքով՝ այս նախաձեռնությունը կարելի է դիտարկել որպես Հայաստանի և Եվրամիության միջև ձևավորված համագործակցության մթնոլորտի գործնական շարունակություն՝ ուղղված տնտեսական հարաբերությունների և բիզնես կապերի խորացմանը։

Կիպրոսի տնտեսական դեպարտամենտի պատասխանատու Նատալի Քարտաշն իր ելույթում նշել է, որ Հայաստան–Կիպրոս բիզնես համաժողովը  կարևոր նշանակություն ունի և որ սա արդեն երրորդ կամ չորրորդ համատեղ համաժողովն է, որն իրականացվում է երկու երկրների համագործակցության արդյունքում։