2026թ. առաջին կիսամյակում Վրաստանի արտաքին առևտրաշրջանառությունը կազմել է 12,9 միլիարդ ԱՄՆ դոլար

Վրաստանի ազգային վիճակագրական ծառայության՝ Geostat տվյալներով, 2026թ. հունվար-հունիս ամիսներին Վրաստանի արտաքին առևտրաշրջանառությունը կազմել է 12,9 միլիարդ ԱՄՆ դոլար:

Առևտրային գործընկերների ամբողջական և առանձին ցուցանիշների ամփոփ վերլուծությունը ցույց է տալիս, որ գլխավոր գործընկերներն են Թուրքիան (1,6 մլրդ դոլար), Ռուսաստանը (1,5 մլրդ դոլար) և Չինաստանը (1,4 մլրդ դոլար)։

 Հայաստանը առևտրային գործընկերների շարքում 7-րդն է՝ 504,7 մլնդ ԱՄն դոլարով, Ադրբեջանը՝ 5-րդ հորիզոնականում՝ 691 մլն ԱՄՆ դոլարով։ 

Վրաստանն ամենաշատը արտահանել է Ղրղզստան (431,8 մլն ԱՄՆ դոլար), Չինաստան (428,5 մլն ԱՄՆ դոլար), Ադրբեջան (335,8 մլն ԱՄՆ դոլար), Ռուսաստան (332 մլն ԱՄՆ դոլար), Հայաստան (314 մլն ԱՄՆ դոլար)։ Ամենաշատը ներկրել է Թուրքիայից (1,3 մլրդ ԱՄՆ դոլար), Ռուսաստանից (1,1 մլրդ ԱՄՆ դոլար), Չինաստանից (1,06 մլրդ ԱՄՆ դոլար), ԱՄՆ-ից (1,02 մլրդ ԱՄՆ դոլար), Գերմանիայից (561,8 մլն ԱՄՆ դոլար)։ Ադրբեջանը 6-րդ հորիզոնականում է 355 մլն ԱՄՆ դոլարով, իսկ Հայաստանը՝ 9-րդ հորիզոնականում՝ 190,5 մլն ԱՄՆ դոլարով։